Түймебаев Жансейіт Қансеитұлы ҚКСР Оңтүстік Қазақстан облысы Алғабас ауданының Қайнар ауылында 1958 жылы 8 шілдеде дүниеге келген. Қазақстан Республикасының мемлекеттік қайраткері, дипломат, ғалым, филология ғылымының докторы, профессор, төтенше және өкілетті елші.
БІЛІМІ: 
С.М.Киров атындағы Қазақ мемлекеттік университеті, филология факультеті, Алматы қ-сы (1980);
Мәскеу мемлекеттік әлеуметтік университеті, құқық факультеті, Мәскеу қ-сы (2000).
ҒЫЛЫМИ АТАҒЫ, ДӘРЕЖЕСІ, ҚЫЗМЕТІ: 
Филология ғылымының кандидаты, ҚазССР Ғылым академиясының Тіл білімі институты (1987);
Филология ғылымының докторы (2008);
Тіл білімі мамандығы бойынша профессор;
Түркия Республикасы Ниде университетінің құрметті докторы (2014).
ЕҢБЕК ӨТІЛІ: 
С.М.Киров атындағы Қазақ мемлекеттік университетінде ассистент, аға оқытушы, доцент (1980-1993);
Қазақстан Республикасы Сыртқы істер министрлігінің Орта және Таяу Шығыс, Африка елдерін басқару бөлімінің меңгерушісі, бірінші хатшысы (1993-1994);
Қазақстан Республикасының Түркия Республикасындағы елшілігінің екінші, бірінші хатшысы (1994-1997);
Қазақстан Республикасы Президентінің Протокол қызметінің бас сарапшысы (1997-1999);
Қазақстан Республикасының Түркия Республикасындағы Бас консулы (Ыстамбұл қ-сы) (1999);
Қазақстан Республикасы Президенті Протоколының бастығы (1999-2004);
Қазақстан Республикасы Президентінің кеңесшісі – Қазақстан Республикасы Президенті Протоколының бастығы (31.03.2004-01.02.2006);
Қазақстан Республикасының Ресей Федерациясындағы төтенше және өкілетті елшісі (01.02.2006-10.01.2007);
Қазақстан Республикасының Білім және ғылым министрі (10.01.2007-09.2010);
Қазақстан Республикасының Түркия Республикасындағы төтенше және өкілетті елшісі (10.2010-10.2016);
Қазақстан Республикасының Албания Республикасындағы төтенше және өкілетті елшісі қызметін қоса атқарушы (03.2011-10.2016);
Оңтүстік Қазақстан облысының әкімі (07.10.2016-20.06.2018);
Түркістан облысының әкімі (20.06.2018-26.02.2019);
Қазақстан халқы Ассамблеясы төрағасының орынбасары, ҚР Президенті Әкімшілігінің Қазақстан халқы Ассамблеясы хатшылығының меңгерушісі (28.02.2019-02.2021);
Әл-Фараби атындағы ҚазҰУ ректоры (10.02.2021).
БАСҚА ҚЫЗМЕТТЕРІ: 
ТМД елдерінің гуманитарлық ынтымақтастықтың мемлекетаралық қоры басқармасының төрағасы (2007-2010);
«ҰҒТХ Парасат» АҚ директорлар кеңесінің төрағасы (2008-2010);
Халықаралық қазақ-түрік университетінің қамқоршылар кеңесі төрағасының орынбасары (2007-2010).
МАРАПАТТАРЫ: 
«Құрмет» ордені (2003);
«Парасат» ордені (2011);
«Астанаға – 10 жыл» медалі (2008);
«Қазақстан тәуелсіздігіне – 20 жыл» медалі (2011);
«Қазақстан мен Түркия арасындағы достықтың нығаюына үлес қосқаны үшін» Түркия кәсіпкерлері мен іскерлер қауымдастығының медалі (2011);
«Халықаралық қатынастардағы ерекше жетістіктері үшін» Түркия туризмін дамыту халықаралық тұғырнамасының (TÜTAP) сыйлығы (2011);
«Қазақстан Конституциясына - 20 жыл» мерейтойлық медалі (2015);
«Қазақстан Конституциясына - 25 жыл» мерейтойлық медалі (2020);
II дәрежелі «Барыс» ордені (2022).

Президент жанындағы Ұлттық ғылым академиясы Директорлар кеңесінің тәуелсіз директоры, ҰҒА академигі, ф.ғ.д., профессор.
Қызметі. Қазақстан Ұлттық жаратылыстану ғылым академиясының академигі (2000). ҚР Білім беру саласының құрметті қызметкері (2002). Алматы шет тілдері институтын (1986, қазіргі Қазақ халықаралық қатынастар және әлем тілдері университеті) бітірген. Осы институттың кәсіподақ к-ті төрағасының орынбасары (1986–1987), Қазақ мемлекеттік қыздар педагогикалық институтында (қазіргі Қазақ мемлекеттік қыздар педагогикалық университеті) оқытушы, доцент, кафедра меңгерушісі (1987–2000), «Қайнар» университетінің вице-президенті – ректоры (2000–2003), ҚР Білім және ғыл. мин-лігі Жоғары білім беру департаменті директорының орынбасары, директоры (2003–2007), Еуразия ұлттық университетінің инновация жөніндегі проректоры (2007–2008) қызметтерін атқарды. 2008 жылдан Қазақстан Ұлттық жаратылыстану ғылым академиясының вице-президенті. «Қазақ тіліндегі сөзжасамдық ұя мәселесінің теориялық негіздері» тақырыбында докторлық диссертация қорғады.
Зерттеу еңбектері. Сөзжасамның жалпы теория­лық мәселелері, оның ішінде сөз­жасамдық ұяның көкейкес­ті мәселелері жан-жақты зертте­лген, оның терең ғылыми негізін қала­ған «Сөзжасамның жалпы теориялық мәселелері», «Қазақ тіліндегі сөзжасамдық ұя проб­лемаларының ғылыми-тео­риялық негіздері», «Сөзжасам­дық ұяның парадигматикалық қатыстағы бірлігі мен сатылары» және «Сөзжасамдық ұяның синтагматикалық қатыстағы күрделі бірліктері» сияқты моно­графиялық еңбектерінің, 80-нен астам ғылым жарияланымның, 4 монографияның авторы. Алаш зялыларының жолын жалғастырып, идеяларын одан әрі дамытып, тіл білімі ғылымының ілгерілеуіне, оның түркологияда өзіндік орын алуына өлшеусіз үлес қосқан академиктердің еңбектері жан-жақты баяндалған «Тіл және тұлға» атты кітабы 2021 жылы жарыққа шықты.

1974-1979 жж. С.М.Киров атындағы ҚазМҰУ Филология факультетінде, 1989-1993 жж. осы университеттің аспирантурасында оқыды. әл-Фараби атындағы ҚазҰУ-дың Қазақ филологиясы кафедрасында 1993-2014 жж. қызмет істеді.
2000-2003 жж. ҚазҰУ-да Филология факультеті деканының оқу ісі жөніндегі орынбасары, 2007-2014 жж. Қазақ филологиясы кафедрасының меңгерушісі; 2010-2014 жж. ҚазМҰУ ғылыми кеңесінің, 2005-2010 жж. ҚР Үкіметі жанындағы Мемтерминком мүшесі. 1993 ж. «Қазақ» газетіндегі қоғамдық-саяси лексика» тақырыбында кандидаттық, 1999 ж. «Қазақ газеттерінің лексикасы: жүйесі мен құрылымы» тақырыбында докторлық диссертация қорғады, 2001 ж. профессор атағын алды. 15 кандидат, 1 доктор, 3 PhD, 50-ден астам магистр тәрбиеледі.
Профессор Б. Момынованың еңбектері:

• «Қазақ» газетіндегі қоғамдық- саяси лексика» (1998 ж.);
• «Газет лексикасы: жүйесі мен құрылымы» (1999 ж.);
• «Шәкәрім поэзиясының тілі» (2008 ж.);
• «Тілдегі жаңа бағыттар мен типтік қатынастар» (2009 ж.);
• «Қазақ әдеби тілінің тарихы» (2011 ж., оқулық, ҚР БжҒМ грифі);
• «Қазақ тілінің морфологиясы» (2014 ж., РОӘК, оқу құралы);
• «Қазақ ым-ишараттары: сөйлеу этикеті мен қатысым мәдениетінде» (2016 ж.) және т.б.

Жалпы 11 монография, 11 оқу құралы, 2 оқулық (ҚР БжҒМ грифімен), 6 сөздік, 230-дан астам ғылыми мақала авторы. 15 томдық «Қазақ әдеби тілінің түсіндірме сөздігін» құрастырушылардың, ЖОО-ның бакалавр, магистратура, РhD бойынша оқу стандарты авторларының бірі. СКОПУС журналдарында 6 мақаласы жарық көрген. ҚР Үкіметі жанынан құрылған Орфографиялық жұмыс тобының мүшесі (2017-2021 жж.). Профессор Б. Момынова Ш. Уәлиханов атындағы сыйлықтың лауреаты (2005); 2007 ж., 2011 ж. ЖОО-ның үздік оқытушысы мемлекеттік грантының иегері. Сондай-ақ ғалым «Жазба мұра және мәтінталдау: ХХ ғ. басы публицистикасындағы орфограмма, сөзжасам мен көркем мәтін лингвопоэтикасы» (2021-2023); «Саяси лидерлер мен мемлекет қайраткерлерінің тілі: ХХ ғ. басындағы Алашорда көсемдерінен тәуелсіздікке дейін» (2022-2024) гранттық қаржыландыру жобаларының жетекшісі болды.
С.Аманжолов атындағы ШҚМУ-дың «Құрметті докторы» (2017 ж.). 2015-2020 жж.
А. Байтұрсынұлы атындағы Тіл білімі институты, Тіл мәдениеті бөлімінің бас ғылыми қызметкері, 2020 жылы Грамматика бөлімінің меңгерушісі, 2023 жылдан осы бөлімнің бас ғылыми қызметкері болып еңбек етіп келеді.

1972 жылы Малатья қаласында дүниеге келген. Бастауыш және орта мектепті Малатья қаласында аяқтағаннан кейін, 1987 жылы Сивас техникалық орта мектебін үздік бітірді. Сонымен қатар, 1986 жылы Сивас өнеркәсіптік кәсіби орта мектебін сырттай оқу бөлімінде тәмамдаған. 1992 жылы Иненюуниверситетінің білім беру факультетіндегі түрік тілі мен әдебиеті бөлімін аяқтады.
Кәсіби еңбек жолын түрік тілі мен әдебиеті пәнінің мұғалімі ретінде бастаған. Мұғалім болып жұмыс істей жүріп, университет емтихандарына дайындық журналдарының жазылуына да үлес қосқан.
Академиялық қызметін 1994 жылы Муғла университетінде оқытушы болып бастады. 1996 жылы сол университеттің өнер және ғылым факультетінің «Қазіргі түрік диалектілері мен әдебиеттері» кафедрасында ғылыми қызметкер болып қызмет атқарды. 1998 жылы магистрлік, ал 2001 жылы Қазақстандағы Әл-Фараби атындағы Қазақ ұлттық университетінде докторлық диссертациясын қорғады. Бұл оқу орнына Жоғары білім кеңесінің Президиумы тарапынан арнайы жіберілген еді. 2002 жылы доцент, ал 2017 жылы профессор ғылыми атағын алды. Қазіргі уақытта Муғла университетінің өнер және ғылым факультетіндегі «Қазіргі түрік диалектілері мен әдебиеттері» кафедрасында оқытушы болып жұмыс жасайды.
1996–2003 жылдар аралығында ол Қазақстанның Шымкент қаласындағы Қожа Ахмет Ясауи атындағы Халықаралық қазақ-түрік университетінде Тілдерді оқыту орталығының жетекшісі және университет сенатының мүшесі, сондай-ақ Түркістан кампусындағы филология факультетінің деканы қызметтерін атқарды. Сонымен қатар, ол Украинаның Сумы мемлекеттік университетінде екі рет арнайы шақырылған профессор ретінде үш ай сабақ берді және орыс тілі курсына қатысты. Қазіргі уақытта өзі жұмыс істейтін университеттің құрамындағы «Түрік тілін оқыту, зерттеу және қолдану» орталығының (TÖMER) директоры қызметін атқарады.
Қазақстан Ғылым академиясы тарапынан жарияланған «Қазақ-түрік тіліндегі күрделі етістіктердің форматталуы» тақырыбындағы докторлық диссертациясын қорғағаннан кейін, қазақ-түрік тіліндегі зерттеулерін жалғастырды. Қазақ және түрік әріптестерімен бірлесе отырып, Түркияда алғаш рет жарық көрген «Қазақша-түрікше-түрікше сөздік», «Қазақ-түрік грамматикасы», «Қазақ әдебиеті I–II», «Қазақ-түрік библиографиясы I–II», «Қазақ тілінің Түркістан говоры» сияқты бірқатар еңбектерді дайындады. Түркология мен түрік мәдениетіне қатысты құнды аударма және интерпретациялық кітаптары бар. Сонымен қатар, түркология саласы бойынша ғылыми баяндамалар мен мақалалар жариялаған. Орыс, ағылшын және түрік тілдерінде еркін сөйлейді.

А. Байтұрсынұлы атындағы Тіл білімі институтының бас ғылыми қызметкері, филология ғылымдарының докторы, профессор.
1955 жылы мамыр айының 5 жұлдызында Ақтөбе облысы Қарабұтақ ауданына қарасты Бөгетсай ауылында дүниеге келген. 1981 жылы С.М.Киров атындағы (қазіргі әл-Фараби атындағы) мемлекеттік университеттің филология факультетін қазақ тілі мен әдебиеті мамандығы бойынша үздік дипломмен бітіріп, 1981-82 жылдары Қазақ мемлекеттік Кітап палатасында техникалық редактор, 1982-86 жылдары республикалық Кітап музейінде ғылыми қызметкер, бөлім меңгерушісі, 1987-93 жылдары ҚР Ғылым академиясының Тіл білімі институтында аға лаборант, кіші ғылыми қызметкер, ғылыми қызметкер, аға ғылыми қызметкер ретінде жұмыс істеген. 1993-94 жылдары ҚР Министрлер Кабинеті жанынан жаңадан ашылған Тіл комитетіне тіл мәдениеті және терминология бөлімінің меңгерушісі қызметіне ауысып, мемлекеттік терминологиялық, ономастикалық комиссиялардың жұмыстарына қатысады. 1994-95 жылдары Түркия республикасының астанасы Анкара қаласында Түрік Тіл Қоғамының шақыруымен түркі тілдерінің салыстырмалы грамматикасы мен сөздігін жасау жұмыстарымен айналысады. 1995-98 жылдары Р.Б.Сүлейменов атындағы Шығыстану институтында аға ғылыми қызметкер ретінде жұмыс жасайды. 1999 жылы А.Байтұрсынұлы атындағы Тіл білімі институты лексикология бөліміне аға ғылыми қызметкер ретінде алынады. 2001 жылдан бастап осы институттағы қазақ тілі тарихы және диалектология бөлімінің меңгерушісі қызметін атқарады. 2009 жылы осы институт директорының орынбасары қызметіне тағайындалды. Ғалым 2011 жылдың қыркүйек айынан бастап 2016 жылдың қазан айына дейін А.Байтұрсынұлы атындағы Тіл білімі институтының директоры болды.
Еңбектері:

• «Қазақ лексикографиясының тарихы» (канд. дисс., 1992);
• «Қозы Көрпеш – Баян сұлу эпосының текстологиясы» (Е.Жұбановпен бірге, 1994);
• «Қазақ сөздіктері» (1995);
• «Бір тілді түсіндірме сөздіктің құрылымдық негіздері» (2002);
• «Қазақ тілі түсіндірме сөздігінің құрылымдық негіздері» (докт. дисс., 2003);
• «Сөздік және сөзтаным мәселелері» (2015).

1992 жылы А. Байтұрсынұлы атындағы Тіл білімі институты Д 53.38.01 Диссертациялық кеңесінде «Түркі тілдері» мамандығы бойынша «Қазақ лексикографиясының тарихы» тақырыбында кандидаттық, 2003 жылы «Қазақ тілі» мамандығы бойынша «Қазақ тілі түсіндірме сөздігінің құрылымдық негіздері» тақырыбында филология ғылымдарының докторы диссертацияларын қорғады. 2004 жылы ғалымға тіл білімі мамандығы бойынша доцент ғылыми атағы берілсе, 2009 жылы осы мамандық бойынша профессор атанды. Ғалым түркітанудың, ұлттық лексикография мен лексикологияның танымал маманы ретінде зерттеулер жүргізумен қатар осы сала бойынша білікті кадрлар даярлау ісіне де белсенді түрде ат салысты. Оның басшылығымен 9 кандидаттық диссертация қорғалды. Ғалым еліміздің жоғарғы оқу орындарында маман даярлау ісіне атсалысумен қатар, Ресей, Түркия, Қытай, Қырғызстан университеттерінде дәріс оқып, түркітанымның, қазақ тіл білімінің келелі мәселелерін көтеріп келеді.
Ғалым еліміздің егемендікке ие болуына байланысты қазақ тілінің мемлекеттік тіл ретіндегі мәртебесін көтеруге, оның тарихи негіздерін нығайтуға бағытталған ғылыми іс-шараларға белсене араласып, қомақты үлес қосты. Іргелі және қолданбалы зерттеу бағдарламалары бойынша жүргізген ғылыми зерттеу жұмыстарына басшылық жасап, тілдерді қолдану мен дамытудың мемлекеттік бағдарламасына, республикалық «Мәдени мұра» бағдарламасына қатысып, олардың жүзеге асырылуы жолында белсенді ат салысты. «Мәдени мұра» бағдарламасы бойынша түзілген қазақ тілінің он бес томдық түсіндірме сөздігінің негізгі орындаушыларының, редакторларының бірі қырғыз ғалымдарын даярлау ісіне қосқан үлесі үшін «Қырғыз тілі» медалімен марапатталған. Сөздікші-ғалым 2013 жылы жарық көрген «Қазақ сөздігі» аталатын біртомдық үлкен түсіндірме сөздіктің негізгі авторлардың бірі саналады. Ғалымның түркітану мен қазақ тілінің тарихына, қазақ лексикографиясының теориялық мәселелеріне арналған 100-ден астам ғылыми мақалалары бар.
Онымен қоса М. Малбақұлы қоғамдық жұмыстарға белсене қатысты:

• ҚР Министрлер кабинетінің жанындағы Мемтерминком және Мемлекеттік ономастика комиссиясының мүшесі (1992-1994);
• Тіл саясаты бойынша Мемлекеттік комиссияның мүшесі (2011-2016);
• «Тілтаным» журналының бас редакторы (2011-2016).

Марапаттары:

• «ҚР егемендігіне 25 жыл» төсбелгісі (2016);
• «Еңбек ардагері» төсбелгісі (2017);
• «Қазақ тілінің жанашыры» төсбелгісі (2018).

Филология ғылымдарының кандидаты, қауымдастырылған профессор, Сәтбаев университетінің «Қазақ және орыс тілдері» кафедрасының меңгерушісі. Ол қазақ тілі, лексикография, терминология және тілдің аймақтық ерекшеліктері саласындағы зерттеулермен айналысады.
1994-1998 жж. Х. Досмұхамедұлы атындағы Атырау мемлекеттік университетінде, «Қазақ филологиясы» мамандығында оқыған. Кейін А.Байтұрсынұлы атындағы Тіл білімі институтының аспирантурасын тәмамдап, 2001 жылы «Моңғолиядағы қазақ диаспорасы тіліндегі фонетикалық-ареал құбылыстарды салыстырмалы зерттеу» тақырыбында кандидаттық диссертациясын қорғаған.
2002-2011 жж. Ғылыми қызметін Тіл білімі институтында бастаған, 2011-2016 жж. Қазақстан-Британ техникалық университетінде сабақ беріп, 2016 жылдан бастап Сәтбаев университетінде жұмыс істейді. Ол тіл білімінің түрлі саласы бойынша мемлекеттік жобаларды басқарған. Соның ішінде қазақ тілінің ұлттық корпусын жасау, геология және мұнай-газ салаларындағы терминологияны жүйелеу, сондай-ақ шетелдегі қазақ диаспорасының тілдік ерекшеліктерін зерттеу бағытында маңызды жұмыстар атқарды.
Алмас Үдербаев 30-дан астам ғылыми мақала мен бірнеше салалық терминологиялық сөздіктердің авторы. Оның жетекшілігімен жарық көрген еңбектердің ішінде «Мұнай өңдеу және мұнай-газ химиясы салаларының қазақша-орысша және орысша-қазақша терминологиялық сөздігі» ерекше орын алады. Ол – тіл саясаты мен ғылыми тіл дамуына зор үлес қосып жүрген тәжірибелі зерттеуші әрі ұстаз.

Ғылыми еңбектері:

• Мұнай өңдеу және мұнай-газ химиясы салаларының қазақша-орысша, орысша-қазақша терминологиялық сөздігі. – Алматы, 2024. – 912 б. (құрастырушы авторлардың бірі)
• «Экспрессивтік стилистика: Ұлттық психологиялық парадигмалар» // Абылай хан атындағы Қазақ Халықаралық Қатынастар және Әлем Тілдері Университеті, Маусым 2023.ТОМ-69.№2.
• Екі тілді геологиялық терминдер сөздіктеріндегі жаңа терминдер мен терминдік қолданыстар // «Тілтаным» журналы. ҚР БҒМ ҒК А.Байтұрсынұлы атындағы Тіл білімі институты. – Алматы, 2019 №4 (автормен бірге).
• Орысша-ағылшынша-қазақша геологиялық терминдер сөздігі. – Алматы: Қазақ тілі, 2019. (құрастырушылардың бірі).
• Лексикографирование диалектной лексики в толковом словаре казахского языка. – Актуальные проблемы диалектологии языков народов России: Материалы XVIII Всероссийской научной конференции (с международным участием). Уфа: ИИЯЛ УФИЦ РАН, 2018. ISBN 978-5-91608-169-5/ Стр.110-116. автормен бірге.
• О лексико-семантическом способе образования новых терминов в области геологии. – «Сохранение и развитие родных языков в условиях многонационального государства: проблемы и перспективы» // Материалы IX Международной научно-практической конференция – Казанский Федеральный университет. Казань, Россия. 11-13.10.18. автормен бірге.
•  Қытайдағы қазақтар тілінің аймақтық ерекшеліктері: зерттелімі және сөздігі (монография және сөздік). - Алматы, 2017. - 260 б. (авторлардың бірі).
• Шетелдегі қазақтардың тіліндегі лексикалық ерекшеліктерді зерттеуде екі тілді сөздіктерді пайдалану // Türkoloji Üzerine Araştırmalar, ISSN 2147 0898 - Тюркологические Исследования, ІССН 2147 0898. Турция, Афион. №3, 2017. - 82-86 бб.

Алишер Науаи атындағы Өзбек тілі және әдебиеті мемлекеттік университетінің ректоры, филология ғылымдарының докторы, профессор, академик.
1961 жылы шілде айының 23 жұлдызында Өзбекстан Республикасы, Самарқанд облысы, Қаттакурган ауданында дүниеге келген. Бала кезінен әдебиетке қызығып өскен. Орта мектепті үздік аяқтап, жоғары білімін филология саласында жалғастырды.
Ғалым түркітану, өзбек әдебиеті мен мәтінтану салалары бойынша іргелі зерттеулер жүргізіп келеді. Алишер Науаи шығармашылығын терең зерттеген және шығыс поэзиясындағы рухани кемелдену мәселелеріне арналған еңбектерімен кеңінен танымал.
Шухрат Сирожиддинов еңбек жолын ғылым және білім саласында бастады. Өзбекстанда және шетелде (Ресей, Түркия, Қытай, Қырғызстан, т.б.) дәрістер оқып, халықаралық ғылыми қауымдастықтарда өзбек тіл білімі мен әдебиетінің өзекті мәселелерін көтеріп жүр. Ғалым Өзбекстандағы әдебиеттану ғылымының дамуына зор үлес қосты, көптеген жас ғалымдардың ғылыми жетекшісі болып, кадр даярлау ісіне белсене ат салысып келеді.
Негізгі еңбектері:

• «Алишер Науаи» – ұлы ақынның өмірі мен шығармашылығына арналған зерттеу;
• «Интерпретация духовной зрелости человека в поэзии» – шығыс поэзиясында рухани жетілу мәселелері;
• «Уммон (Өмірі мен шығармашылығы Ноджи)» – әдеби мұраны зерттеуге арналған еңбек.

Ғалымның еңбектері бірнеше шет тілдеріне аударылып, халықаралық ғылыми қауымдастықта жоғары бағаланды. Ол әдебиет тарихы мен мәтінтану саласында 100-ден астам ғылыми мақала жариялады.
Шухрат Сирожиддинов Өзбекстандағы тіл мен әдебиетті дамытуға бағытталған мемлекеттік бағдарламаларға белсене қатысып келеді. Оның жетекшілігімен іргелі зерттеулер жүзеге асып, өзбек әдебиетінің халықаралық деңгейде танылуына жол ашылды.
Қоғамдық қызметі:

• Өзбекстандағы мемлекеттік әдеби және мәдени бағдарламалардың белсенді мүшесі;
• Халықаралық ғылыми конференциялар мен симпозиумдардың ұйымдастырушысы және қатысушысы.

Марапаттары:

• Халықаралық Чингиз Айтматов сыйлығының лауреаты;
• «Өзбекстан Республикасының еңбек сіңірген жастарының ұстазы» атағы;
• Мемлекеттік әдеби сыйлықтардың иегері.
• Ғалым өзбек әдебиеттану ғылымының дамуына елеулі үлес қосып, түркі дүниесінің рухани мұрасын зерттеу ісінде халықаралық деңгейде танылған тұлға.

Кадыралы Конкобаев – белгілі түрколог, филология ғылымдарының докторы, профессор.
Ол 1948 жылы 12 қазанда Қырғызстан Республикасының Ош облысы, Қара-Кұлжа ауданы, Алайкуу өңіріндегі Коо-Чаты ауылында дүниеге келген. Орта мектепті аяқтаған соң, жоғары білімін Ош мемлекеттік педагогикалық институтының филология факультетінде жалғастырып, қырғыз тілі мен әдебиеті саласы бойынша білім алған.
Кадыралы Конкобаев ғылым жолын ерте бастап, түркітану, көне түркі жазбалары мен қырғыз тілінің дамуы саласында іргелі зерттеулер жүргізіп келеді. 1993 жылы филология ғылымдарының докторы ғылыми дәрежесін қорғап, ал 2007 жылы профессор атағын алды. Ғалымның ғылыми еңбектері тіл білімі, диалектология, лексикография, тарихи топонимия және географиялық терминология бағыттарын қамтиды.
Ол көптеген маңызды сөздіктердің және оқу құралдарының авторы. Ғалымның еңбектері қатарында:

• «Оңтүстік Қырғызстанның топонимиясы»,
• «Қырғыз тілінің омонимдер сөздігі»,
• «Қырғыз тілінің антонимдер сөздігі»,
• «Байырқы түрк жазуусу (VII-X ғғ.)» атты оқу құралы,
• «Қырғыз географиялық терминдерінің сөздігі»,
• «Диалектологиялық сөздік» сияқты іргелі еңбектер бар.

Кадыралы Конкобаев – халықаралық ғылыми қауымдастықта да танымал тұлға. Ол PIAC (Халықаралық алтайтану комитеті) секілді беделді ұйымдардың мүшесі. Сонымен қатар, ол түркі тілдерін зерттеу бағытындағы экспедицияларға қатысып, көне түркі ескерткіштерін анықтау және зерттеу жұмыстарымен айналысып келеді.
Қазіргі таңда ғалым Қырғызстанның «Манас» университетінде профессор қызметін атқарып, жас ғалымдарды даярлауға зор үлес қосуда. Оның жетекшілігімен көптеген ғылыми зерттеулер жүзеге асырылып, түркология ғылымының дамуына жаңа бағыттар қосылды.
Кадыралы Конкобаев – түркология саласында беделі жоғары, көне түркі мұраларын зерттеу арқылы түркі халықтарының ортақ мәдени және тарихи байланыстарын айқындап жүрген көрнекті ғалым.

Нәсими атындағы Тіл білімі институтының социолингвистика және психолингвистика бөлімінің меңгерушісі, филология ғылымдарының докторы, доцент, Баку Еуразия университетінің профессоры.
1962 жылы 17 қаңтарда Әзербайжан Республикасының Товуз уезіне қарасты Бозалқанлы ауылында дүниеге келген. 1990 жылы Ленинград мемлекеттік университетінің (қазіргі Санкт-Петербург мемлекеттік университеті) шығыстану факультетін «шығыстанушы-түрколог» мамандығы бойынша тәмамдады.
2005 жылы филология ғылымдарының кандидаты ғылыми дәрежесін қорғады. 2012 жылы түркі тілдері бойынша доцент ғылыми атағын алды. 2016 жылдан бастап филология ғылымдарының докторы әрі Баку Еуразия университетінің профессоры атағына ие болды.
Майыл Әскеров еңбек жолын ғылым және білім беру саласында бастаған. Қазіргі таңда Әзербайжан Ұлттық ғылым академиясының Нәсими атындағы Тіл білімі институтында социолингвистика және психолингвистика бөлімін басқарады. Сонымен қатар, институттың диссертациялық кеңесінің (5704.01 – Тіл теориясы) мүшесі.
Ғалымның ғылыми зерттеу бағыттары – социолингвистика, психолингвистика, тіл теориясы, лексикография және терминтану. Ол «Лингво-психологиялық бірлік теориясының» авторы. Түркі тілдері мен тіл білімінің заманауи мәселелеріне арналған монографиялар, оқулықтар және оқу құралдарының авторы ретінде белгілі. Ғалым ұлттық тілтану ғылымының дамуына үлкен үлес қосып келеді.
Майыл Әскеров ғылыми қызметімен қатар педагогикалық салада да белсенді жұмыс атқарады. Баку Еуразия университетінде профессор ретінде дәріс оқып, жас мамандарды даярлау ісіне ерекше көңіл бөледі. Оның жетекшілігімен көптеген магистрлік және докторлық диссертациялар қорғалған.
Ғалымның еңбектері тек Әзербайжанда ғана емес, сонымен қатар халықаралық ғылыми қауымдастықта да кеңінен танылған. Оның зерттеулері түркі халықтарының тілдік байланыстарын, социолингвистикалық ерекшеліктерін және тіл дамуының психологиялық негіздерін терең зерттеуге бағытталған.
Майыл Әскеров – Әзербайжан түркологиясының көрнекті өкілдерінің бірі, ғылым мен білім саласындағы еңбегімен танылған беделді ғалым.

Тургай Анар – Түркия Республикасының белгілі әдебиет зерттеушісі, ғылым докторы, профессор. Түркия ғылымдар академиясы аясындағы түрлі жобалар мен зерттеу жұмыстарына белсенді қатысып келеді. Ол Ыстамбұл қаласының Үскүдар ауданында дүниеге келген.
Жоғары білімін Ыстамбұл университетінің Түрік тілі және әдебиеті бөлімінде алып, аталған салада терең білім мен тәжірибе жинақтады. 2004 жылы Мармара университетінде магистрлік диссертация қорғап, ғылыми жолын жалғастырды. 2011 жылы «Жаңа түрік әдебиетіндегі әдебиет топтары» (Yeni Türk Edebiyatında Edebiyat Mahfilleri) тақырыбында докторлық диссертациясын қорғап, ғылым докторы дәрежесін иеленді.
Тургай Анардың негізгі ғылыми зерттеу бағыттары – жаңа түрік әдебиеті, әдеби топтар мен мәдени орта, қалалық кеңістік пен әдебиеттің байланысы, көркем әдебиет пен мәдениет сабақтастығы. Ол түрік әдебиетінің дамуындағы тарихи-мәдени процестерді, әдеби ағымдардың қалыптасуы мен әдебиеттегі урбанистік көріністерді зерттеуге ерекше көңіл бөледі.
Профессор өзінің ғылыми қызметімен қатар педагогикалық салада да белсенді еңбек етіп жүр. Түрлі университеттерде дәріс оқып, жас ғалымдарды ғылыми зерттеуге баулиды. Оның жетекшілігімен магистрлік және докторлық диссертациялар дайындалып, түрік әдебиеті саласында жаңа ғылыми бағыттар қалыптасып келеді.
Негізгі еңбектері:

• Mekândan Taşan Edebiyat: Yeni Türk Edebiyatında Edebiyat Mahfilleri – жаңа түрік әдебиетіндегі әдеби топтар мен мәдени ортаны зерттеу;
• Sonsuzluğun Yüzleri: İkinci Yeni Şiirinde Görsel Sanatlar – заманауи түрік поэзиясындағы визуалды өнерді талдау;
• Akif’in Şehirleri: İstanbul Avrupa Yakası – қалалық мәдениет пен әдебиет байланысы туралы еңбек;
• Huzur Atlası: Ahmet Hamdi Tanpınar’ın Huzur Romanını Okuma Kılavuzu – Ахмет Хамди Танпынар шығармашылығын терең талдау.

Тургай Анардың еңбектері тек Түркияда ғана емес, халықаралық деңгейде де жоғары бағаланған. Оның зерттеулері түрік әдебиетінің теориялық және практикалық дамуына маңызды үлес қосып, жас зерттеушілер үшін бағыт-бағдар болып отыр. Профессор қазіргі заманғы түрік әдебиетінің дамуына үлес қосқан беделді ғалымдардың бірі саналады.