2005-2009 жж. Әл-Фараби атындағы Қазақ Ұлттық Университетінің филология факультетінде «Қазақ тілім мен әдебиеті» мамандығы бойынша білім алды. 2011-2013 жж. аралығында Әл-Фараби атындағы Қазақ Ұлттық Университетінде «Лингвистика» мамандығы бойынша магистратурада оқыды. 2013 ж. бастап білім беру ұйымдарында, атап айтсақ, Назарбаев Зияткерлік мектебінде және М.Мәметова атындағы №28 мектеп-лицейінде қазақ тілі мен әдебиеті пәнінің мұғалімі қызметін атқарды. 2022 ж. бастап Абай атындағы Қазақ Ұлттық Педагогикалық Университеттің филология факультетінде «Лингвистика» мамандығы бойынша докторантурада оқиды. Зерттеу бағыты: Психолингвистика, диссертация тақырыбы: «Қазіргі қазақтар тілдік санасының ассоциативті-вербалды моделі: зерттеу, сөздік, электронды база». 2024 ж. қыркүйегінен бастап А.Байтұрсынұлы атындағы Тіл Білімі Институтының Психолгингвистика бөлімінің кіші ғылыми қызметкері.

2013–2016 жылдары Қазақ Еңбек және Әлеуметтік Қатынастар Академиясының психология факультетінде білім алып, «Психология» мамандығы бойынша бакалавр дәрежесін алды.
2018–2020 жылдары Әл-Фараби атындағы Қазақ ұлттық университетінде «Конфликтология» мамандығы бойынша магистратурада оқыды.
2016 жылдан бастап №142 жалпы білім беретін мектепте психолог болып жұмыс істеді.
2018 жылдан бастап Қазақстан ФинТех Ассоциациясында тұтынушылар құқықтарын қорғау бөлімінде қызмет атқарды.
2024 жылдың қыркүйегінен бастап А. Байтұрсынұлы атындағы Тіл білімі институтының психолингвистика бөлімінде аға лаборант қызметін атқарады.

2016-2020 жылдары Абылай хан атындағы ҚазХҚжӘТУ-де «Шетел филологиясы: ағылшын тілі» мамандығы бойынша білім алды. 2020-2022 жылдары сол университетте «Шетел филологиясы» мамандығы бойыншамагистратураны тәмамдап, «Филология ғылымдарының магистрі» атағын алды. Қазіргі уақытта Абылай хан атындағы ҚазХҚжӘТУ докторанты. Диссертация тақырыбы: «Романның сюжеттік-оқиғалық құрылысын когнитивтік аспектіде зерттеу».  2022 жылы Oxford Qazaq Dictionary сөздігінің аудармашы-редакторы қызметін атқарған.  2022 жылдан бері А. Байтұрсынұлы атындағы Тіл Білімі Институтының жоба орындаушысы. 2022-2024 жылдары «Диахрондық фонология» гранттық жобасының орындаушысы, 2023 жылдан бері «Жаңа Қазақстан контекстіндегі тілдік сананы жаңғыртудың лингвистикалық құралдары мен әзірлемелері», ал 2024 жылдан бері «Smart-мәтіндер мегажобасы ретіндегі ҚТҰҚ жетілдіру» және «Қазақ тілін лингвосинергетикалық, лингвоэкологиялық, лингводидактикалық аспектілерде зерттеу» атты БНҚ жобаларының орындаушысы. 2024 жылдан бері Психолингвистика бөлімінің кіші ғылыми қызметкері.

2012 – 2016 жж. Абай атындағы Қазақ ұлттық педагогикалық университетінде «Қазақ тілі мен әдебиеті» (бакалавр) мамандығы бойынша білім алды. 2016 – 2018 жж. аталған оқу орнында «Филология» мамандығы бойыншамагистратураны үздік тәмамдап, «Филология ғылымдарының магистрі» атағын алды. Қазіргі уақытта А. Байтұрсынұлы атындағы Тіл білімі институты, 8D02309 – «Лингвистика» мамандығының докторанты. Диссертация тақырыбы: «Тілдегі ықшамдалу үрдісінің психолингвистикалық аспектісі». А.Байтұрсынұлы атындағы Тіл білімі институтында 2016 жылдан бастап қазіргіге дейін қызмет атқарады.
Мемлекеттік тапсырыс бойынша сараптамалық және әлеуметтік зерттеулер аясында қатысқан жоба:
1. Қазақ тілінің ұлттық корпусын құру және әзірлеу – 2016-2017 жж.;
2. Мемлекеттік тілдің латиницаға өтуі үшін латын графикасын пайдаланудың бірыңғай стандартын әзірлеу – 2017 ж.;
3 Латынграфикалы жаңа ұлттық әліпби негізінде қазақ жазуын жаңғыртудың ғылыми-лингвистикалық базасын әзірлеу – 2018-2020 жж.;
Гранттық қаржыландыру аясында қатысқан жоба:
1 Қоғамдық сананың жаңғыруы: мемлекеттік тілдің неологизмденуі және оның неографиялық базасы – 2018-2020 жж.;
2 Қазақ тілі кеңістігіндегі ұлттық-мәдени код: символдың архетиптік мәртебесін және тұлғаның тарихи-мәдени типін анықтаудағы қызметі – 2018-2020 жж.;
3 «Жаңа Қазақстан контексінде тілдік сананы жаңғыртудың тілтанымдық құралдары мен IT-қосымшаларын әзірлеу» жобасы – 2023-2025 жж.
2024 жылдан бері Психолингвистика бөлімінің қызметкері.