Жинаққа Ахмет Байтұрсынұлы атындағы Тіл білімі институтының тұрақты Тілтанымдық алаңы – «Ахмет оқуларының» 2020 жылғы жұмысының нәтижесінде әзірленген ғылыми материалдар енді.

Жинақ екі бөлімнен тұрады: бірініші бөлімде Ахмет Байтұрсынұлының ғылыми-тілтанымдық мұрасына арналған дәрістердің, екінші бөлімде «Абайдың сөздүниесі мен мектеп өміріндегі Абай» атты ғылыми-практикалық семинар баяндамалары берілді. Материалдар қазақ ұлттық әліпбиінің тұңғыш реформаторы, тілтанушы, ұлттың рухани көсемі Ахмет Байтұрсынұлы мен халқымыздың ұлы ойшыл
ақыны Абай Құнанбайұлының бүгінгі ғылыми танымдағы және қоғамдық санадағы алатын орнын, рөлін, маңызын, сонымен бірге ұлтымыздың ұлы тұлғаларының мұрасын ғылыми ой елегінен өткізудегі жаңа ізденістер бағытын анықтауға арналады.

Жинақ абайтану мен ахметтану саласындағы зерттеушілерге, ізденушілерге, сондай ақ А.Байтұрсынұлы мен А.Құнанбайұлы өмірі мен шығармашылығы қызықтыратын көпшілікке арналады.

Жинаққа Ахмет Байтұрсынұлы атындағы Тіл білімі институтының «Ахмет оқулары» атты тұрақты Тілтанымдық алаңы аясында 2021 жылы атқарған жұмысының нәтижесінде әзірленген халықаралық ғылыми-теориялық конференция материалдары еніп отыр.

Жинақ екі бөлімнен тұрады. Бірінші бөлімде Әлихан Бөкейханның тілдік тұлғасына арналған «Әлихан Бөкейханның тілдік тұлғасы» атты халықаралық ғылыми-теориялық конференция материалдары, екінші бөлімде «ХХІ ғасырдағы тілтанымдық білімдер контексіндегі тарихи фонетика» атты халықаралық ғылыми-теориялық конференция материалдарының мәтіні берілді.
Материалдар Алашорда үкіметінің көсемі болған аса көрнекті мемлекет және қоғам қайраткері, жан-жақты энциклопедиялық білім иесі, ормантанушы, публицист, экономист, аудармашы ғалым болумен қатар қазақ тілінің дамуына да елеулі үлес қосқан ірі саяси тұлға Әлихан Нұрмұхамедұлы
Бөкейханның ұлт тілі үшін жасаған күресі, сөзсаптамы, эпистолярлық мұрасы, тілдік тұлғасындағы
ұлттық танымы, публицистикалық шығармалары, астрономиялық терминдерінің уәждемесі мен ХХІ ғасырдағы тілтанымдық білімдер контексіндегі тарихи фонетиканың ғылыми жаңалықтары бүгінгі ғылыми таным мен жаңа ізденістер тұрғысынан зерттеліп, сараптауға арналған.

Жинақ әдебиеттанушы, түркітанушы, тілтанушы ғалымдарға, ізденушілерге, сондай-ақ Ә.Бөкейханның өмірі мен шығармашылығы және тіл білімінің фонетика саласы қызықтыратын көпшілікке арналады.

Жинақ 2021-2022 жылдарға арналған «Мемлекеттік тілді латынграфикалы ұлттық әліпбиге көшіруді қамтамасыз ететін жаңартылған нормативтік сөздіктер мен академиялық басылымдар сериясын әзірлеу» (OR 11465483) атты бағдарламалық-нысаналы қаржыландыру жобасы аясында әзірленді.

Жинаққа аса көрнекті тіл маманы, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы Ахмет Байтұрсынұлына арналған халықаралық ғылыми-теориялық конференция материалдары еніп отыр. Бұл еңбек тіл мамандарына, филология
факультетінің докторанттары, магистранттары мен студенттеріне, сондай-ақ көпшілік қауымға арналған.

Жинақ 2021-2022 жылдары орындалған «Мемлекеттік тілді латынграфикалы ұлттық әліпбиге көшіруді
қамтамасыз ететін жаңартылған нормативтік сөздіктер мен академиялық басылымдар сериясын әзірлеу» (OR11465483) атты бағдарламалық-нысаналы қаржыландыру бойынша зерттеу жобасы аясында шығарылды.

Жинаққа қазақ тіл білімінің негізін салушы, Ұлт ұстазы Ахмет Байтұрсынұлының 150 жылдық мерей
тойына арналған «Ахмет Байтұрсынұлы және ғылым тілі» атты халықаралық ғылыми-теориялық конференция материалдары енді. Материалдар жоғары оқу орындарының оқытушылары мен ғылыми зерттеу институттары қызметкерлеріне, PhD докторанттар мен магистранттарға арналады.

Жинаққа Ахмет Байтұрсынұлы атындағы Тіл білімі институтының «Ахмет оқулары» тұрақты тілтанымдық алаңы аясында 2023 жылы өткен ғылыми конференция мен семинар материалдары енді.

Жинақ екі бөлім нен тұрады: бірінші бөлімінде Ахмет Байтұрсынұлының шәкірті, лингвистикалық мектебінің өкілі – Елдес Омарұлының туғанына 130 жыл толуына орай өткен конференцияда жасалған ғалымның тілтанымдық мұрасы туралы ғылыми баяндамалар топтастырылды.
Мұнда Елдес Омарұлының ғалымдық тұлғасы, еңбектеріндегі валенттік және дистрибуция мәселелері, тілтанымдық тұлғасы, тұжырымдары қамтылды; екінші бөлімде «Ахмет Байтұрсынұлының «Тілқұрал» еңбегіндегі ұлттық емленің қалыптасу, даму кезеңдері туралы зерттеулер ұсынылады. Тақырып кеңістігі «Тіл құрал» еңбегінің графикалық проекциясы, емле ережелері, құрылымы, мазмұны, қытайдағы түркі тілдес халықтардың жазу дәстүрінің қалыптасуы сынды өзекті мәселелерді қамтиды.

Жинақ тілтанушы ғалымдарға, филологтарға, сондайақ Ахмет Байтұрсынұлы мен Елдес Омарұлының өмірі, ғылыми мұрасы туралы ізденуші оқырмандарға арналған.